كحل الراس: قصيدة زجلية

كحل الراس: قصيدة زجلية

امدياز الحاج : المغرب

لحجر صبح جير

بالما إولي خمير

خوى البير

الجنان وكح لو لغدير

أش بقى ليك ألبعير ؟

لا سدرة لا شعير

لا شيح لا أزير

تمارة أو لحكير

لله قل أش ندير ؟

الجرح إسيل واللباس قمير

كحل الراس عاطيها للتكركير

عبدك ولى شرير

فعينو وليت صغير

ما تلا إوقر لكبير

للباطل هو بصير

الحق تابعو بالصفير

هاد الزمان لعقل إحير

تهراسك ما ليه جبير

على كحل الراس لا تغير

فيه لا تحن زيدو لعصير

أنت دير فيه الخير

أهو منك إغير

إلى ما عطاها للشخير

لعدوك إسخن البندير ......

» قصيدة : كاراكاس
» قصيدة أحمد فؤاد نجم : بعد الطز لم يعد يليق بك التحية